Evri year, more dan two billion Christians worldwide dey gada to celebrate di birth of Jesus Christ wit dis year own happening today Wednesday.
From Nigeria to oda parts of Africa, Europe, Asia, Di Americas, Christians dey mark Christmas with funfair.
Dis celebration dey happun more dan two thousand years afta dem born Jesus for Bethlehem, south of Jerusalem.
Also Christmas celebration dey always dey colourful sake of many reasons, including di traditional colours of red and green, and di many ways to decorate for di holiday season.
Na season of love, hope, joy, togetherness, and charity.
Some pipo begin dia own celebration from di eve of di eve of Christmas. Dis na fotos of how pipo celebrate di birth of Jesus Christ around di world:
Lagos State Govnor Babajide Sanwo-Olu attend Christmas Day Holy Communion Service for di Cathedral Church of Christ, Marina, Lagos.
“Christmas na time for reflection and we do dat for atmosphere of worship and praise. I look forward to share in di spirit of love, kindness, and generosity wey define di true essence of di season,” di govnor write for im Facebook page
